Samansette tekstar -verktøy

Eg likar leksjonar med konkrete verktøy kor ein kan prøve og finne ut kva som passar for deg. Viktig i denne samanhengen er at bruken av verktøyet må ha eit mål- ikkje berre ta i bruk for å ta i bruk! Eg studerte "Comic life" utan å bli direkte imponert, Glogster var heilt greitt, men for min del var Xtranormal activity berre ei openberring!!! På skulen vår er det begrensa kva vi har av digitalt utstyr som tildømes videokamera. Eg har i fleire år leita på nettet etter eit program som kan støtta kunst og handverkfaget innanfor animasjon i 6.klasse. I læreplanen under grunnleggende dugleikar i faget står det blant anna: "Produksjon av digitale bilder står sentralt i elevanes arbeid med foto, skanning, animasjon, film og video".(Kuf s.131) At programmet per dags dato er på engelsk (og fransk) gjer at det krev litt meir av ungane. Digital kompetanse skal jo inn i faga!
Òg ja; dette er fullt mogeleg å bruke i undervisninga og verktøyet er i alle fall for meg eit glimrande hjelpemiddel for å nå målet:)
Her er linken som gjorde at kvelden vart morosam (i alle fall for meg): http://www.xtranormal.com/watch/6121911
Tilslutt: Ser at det er 13 årsaldersgrense- ein må i så fall informere foreldre om bruken på mellomsteget.

Tenkjeverktøy

Dette var ein glimrande leksjon for min del. Eg har aldri høyrt om digitale tankekart og Mindomo. Programmet var lett å bruke, lett å redigere og ikkje minst veldig praktisk. Eg har nytta mykje skriftlege tankekart i mi undervisning. Mest som ei oppsummering av det viktigaste innanfor temaet. Eg opplever ofte at dei siste bitane fell på plass hjå ungane. Enkelte elevar er dessutan meir visuelt sterke og drar meir nytte av ei slik undervisning. Eg tok utgongspunkt i eit tema vi arbeidde med i 6.klasse og laga eit digitalt tankekart om lyd:
http://www.mindomo.com/view.htm?m=3ff75fe00aee486e9fee1587bea9f728

Sosial web 2 - Wiki

I denne gruppeoppgåva skulle vi opprette ein Wiki og deretter sjå nærmare på funksjonar og verkemidlar innanfor tre ulike nettsamfunn. Vi vart einige om å ta utgongspunkt i YouTube, Facebook og Del og Bruk: http://dkl102gruppe8.wikispaces.com/

For min del som aldri hadde vore borti Wiki som produsent var dette ekstra artig. Denne leksjonen er ein av grunnane til at eg går på studiet. Ein slik Wiki er fullt mogeleg å opprette i klassen min og ikkje minst ta i bruk som gir meining.