Sosial Web og læring

Sosial web, også kalla web 2.0, er i utgangspunktet nettsamfunn kor innhaldet i stor grad blir utvikla av brukarane. I samband med denne øvingsoppgåva har eg valt å melde meg inn i ”You Tube”, i tillegg til ”Facebook”, kor eg er medlem får før, og til slutt ”Del og bruk” som var obligatorisk.

You Tube er eit samfunn kor ein har tilgong til sjå og dele videosnuttar. Desse kan også kommenterast. Alle kan rett nok sjå videosnutane men kan ikkje delast utan at ein har oppretta You Tube -konto.

"Facebook hjelper deg med å holde kontakten og dele med menneskene i livet ditt" (Facebook 2010). Her kan ein finne og halde kontakten, komme med kommentarar med meir, med nesten alle på kloten. Sosialt og triveleg til rett bruk.

Del og bruk er ”eit nettverk for lærare, pedagogar, forskarar, byråkratar, bibliotekarar og andre med interesse for sosial web, IKT og skule. Del, øk og bruk din digitale kompetanse.”(D&b, 2010)

Eg arbeider til dagen på ein barneskule 1-7. Facebook er 13 årsaldersgrense på, og er ikkje aktuelt for ungane før ein kjem på ungdomssteget. Ja, eg har rett nok elevar som har oppretta kontoar likevel. Når det gjeld You Tube- konto, synest det ikkje å ha ei aldersgrense i det heile. Uansett, er det kanskje ikkje til å unngå at ungane opprettar kontoar. Ungane ligg dessutan ofte langt føre datakunnskapane til dei heime (og vi lærarar?). Ofte får me høyre i media om born og ungdom som blir trakassert i bloggar og på ulike nettsamfunn Eg meiner at det viktigaste me som lærarar i barneskulen er i første omgong å lære ungane nettvett. Dette gjeld så vel kva ein skriv som kva ein deler og lastar ned. Redd barna sine nettverksreglar kan i så fall vere eit godt utgangspunkt: http://nettvett.reddbarna.no/ . For å lykkast må de heime på bana. Eit godt samarbeid med skule og heim blir ikkje mindre aktuelt i åra som kjem.

You Tube kan du finne mykje bra og aktuelle videosnuttar, men det er etter mitt syn vanskeleg for ein 6-12 åring å finne fram til det ein leitar etter. Mykje tulle- og fjasevideoar er årsaka til det. Det må i så fall vere at ungane får ei link dei skal finne. Eg har sjølv som lærar nytta tuben til vise nokre gode snuttar. Ut frå min digitale ståstad er dette litt fjernt å trekkje elevane inn og bruke You Tube i undervisninga. Rett nok skal me ha inn digital kompetanse i alle fag. Men for meg kjem dette langt bak i køen av digital kompetanse. Rett nok ser eg det språklege ved denne weben. Ein skriv og ein les kva som blir skrive. Det er ein god måte å kommunisere på. Samstundes må ikkje motivasjonen utegløymast. For mange kan dette vere portalen for å lese og skrive.

No skal me lære meir om sosial web i studiet og eg har rett nok snudd før i dette studiet.

Den siste og ikkje minst obligatoriske kontoen for denne oppgåva var ”Del og bruk”. Dette var interessant. Mest for meg som lærar. Her var det mykje bra og ikkje minst dagsaktuelt med dei same problema og bekymringane som meg. Her kan eg kommentere og leggje inn Flott! Dette er eit samfunn som eg garantert kjem til å nytte meg av i framtida. Dette er dessutan ei side som eg kjem til å anbefale fleire av kollegiet mitt.